Politika e privatësisë

Përditësuar së fundi: qershor 2026

Çfarë mbledhim dhe pse

eZarfi mbledh të dhëna vetëm për krijimin dhe menaxhimin e ftesave dixhitale. Nga porosia ruajmë emrin, telefonin, emailin, Instagramin, detajet e eventit, paketën e interesit dhe mesazhin që klienti dërgon. Këto na duhen për t’ju kontaktuar dhe për të përgatitur ftesën tuaj.

Për RSVP mund të ruhen emrat e mysafirëve, numrat e telefonit, emaili kur kërkohet, numri i personave që marrin pjesë, preferenca e ushqimit, shënimet dietike, përgjigjet e pyetjeve të personalizuara dhe mesazhet opsionale. Këto i përdor vetëm organizatori i eventit për menaxhimin e listës së mysafirëve.

Nuk krijojmë llogari publike klientësh dhe nuk dërgojmë automatikisht mesazhe WhatsApp te mysafirët. Linku i ftesës mund të ndahet nga klienti ose organizatori sipas nevojës.

Kush ka qasje

Të dhënat janë të qasshme vetëm nga ekipi i brendshëm i eZarfi (Studio i mbrojtur me fjalëkalim) dhe nga organizatori i eventit përkatës. Nuk ekzistojnë llogari publike klientësh. Të dhënat e një eventi nuk ndahen me evente apo klientë të tjerë.

Linqet personale të mysafirëve

Linqet personale (/i/…) hapen me një token të paparashikueshëm dhe tregojnë vetëm informacionin e grupit përkatës: emrin e grupit, personat e ftuar, numrin e të ftuarve dhe një përshëndetje. Ato nuk shfaqin ID të brendshme, shënime administrative apo të dhëna të mysafirëve të tjerë, dhe nuk indeksohen nga motorët e kërkimit.

Përdorimi i AI

Studio përdor një asistent AI vetëm për adminët, për të krijuar draft-tekste, mesazhe ose struktura pune. Output-et e AI janë gjithmonë draft dhe rishikohen nga admini para përdorimit. AI nuk publikon ftesa, nuk dërgon mesazhe dhe nuk importon mysafirë në mënyrë automatike.

Analitika

Ruajmë statistika të përgjithshme (p.sh. sa herë është hapur një ftesë apo është dërguar një RSVP) për të kuptuar performancën. Kartat e analitikës nuk shfaqin emra, telefona apo mesazhe personale.

Cookie dhe pëlqimi

Ne përdorim cookie të domosdoshme për funksionimin e faqes (p.sh. sesioni i sigurt i Studios dhe ruajtja e zgjedhjes suaj për cookie) dhe, me pëlqimin tuaj, matje analitike. Analitika jonë është first-party dhe pa palë të treta — nuk përdorim Google Analytics, pixel reklamash apo gjurmim ndër-faqësh. Në vizitën e parë shfaqet një njoftim ku mund të pranoni, refuzoni cookie jo-thelbësore ose t’i personalizoni. Zgjedhja ruhet lokalisht në shfletuesin tuaj; mund ta ndryshoni duke pastruar të dhënat e faqes në shfletues. Refuzimi i analizës nuk e bllokon përdorimin e ftesës.

Disponueshmëria, arkivimi dhe fshirja

Çdo ftesë mund të ketë një datë disponueshmërie (“e qasshme deri më”). Pas saj, faqja publike shfaq një mesazh “nuk është më e disponueshme” në vend që të mbetet online pa afat. Admini mund ta arkivojë një ftesë (hiqet nga publiku, mbetet e ndryshueshme) ose ta fshijë. Fshirja është e kthyeshme për 10 ditë: ftesa fshihet nga publiku menjëherë, mbetet e dukshme vetëm në Studio dhe mund të rikthehet brenda kësaj periudhe. Pas 10 ditësh, të dhënat mund të hiqen përfundimisht nga një proces i kontrolluar fshirjeje.

Të dhënat përdoren vetëm për krijimin, menaxhimin dhe dorëzimin e ftesave. Nuk shiten dhe nuk përdoren për reklama të palëve të treta. Të dhënat e eventit mund të fshihen pas 12 muajve nga eventi, përveç nëse nevojiten për mbështetje, faturim, siguri ose arsye ligjore.

Linku i statusit për pronarin/çiftin

Organizatori mund të marrë një link të posaçëm (/s/…) për të parë statusin e RSVP-ve. Ai hapet me një token të paparashikueshëm, është vetëm për lexim dhe tregon vetëm informacion të sigurt (emrat e grupeve, numrin e të ftuarve dhe konfirmimet). Nuk shfaq ID të brendshme, tokena të mysafirëve, numra telefoni apo shënime administrative, dhe nuk indeksohet nga motorët e kërkimit.

Njoftimet me email

Kur dërgohet një porosi e re nga forma, ekipi i eZarfi mund të marrë një email njoftimi me detajet e porosisë për t’ju kontaktuar shpejt. Ky email shkon vetëm te ekipi i brendshëm, jo te palë të treta.

Media dhe muzika

Fotografitë ngarkohen në një shërbim të sigurt media (Cloudinary) ose vendosen si URL direkte të validuara; linqe jo të sigurta (p.sh. nga Google Images) refuzohen. Muzika në sfond luan vetëm nga file audio direkt ose i ngarkuar dhe nuk niset automatikisht — mysafiri e nis me klikim. Përgjegjësia për të drejtat e muzikës i takon klientit.

Të drejtat tuaja

Mund të kërkoni qasje, kopje (eksport), korrigjim ose fshirje të të dhënave tuaja. Dërgoni kërkesën te info@ezarfi.com dhe ne i përgjigjemi brenda një afati të arsyeshëm.